The Big Lie About Discipline

يا صديقي العزيز. في كدبة كبيرة جدا أنا كنت مصدقها زمان، وهي بتقول إن الانضباط لازم يكون صعب.

ولكن يا صديقي العزيز لو انت كمان كنت بتفكر زيي فخليني اقولك انك مش فاهم الانضباط صح زي ما

كان حصل معايا بالظبط. الانضباط مش معناه انك تحارب نفسك وتصعب الدنيا عليك، ولكن قمة الانضباط انك

تفهم نفسك اولا وتعرف انت فين ومحتاج تروح فين وتبدأ تحط خطوات تسهل عليك الوصول للهدف.

في بداية اني اروح الجيم كنت فاكر اني لازم ادخل العب على كل الاجهزة وبشد التدريب عليها وكنت

بروح متكسح حرفيا وكنت كل يوم بحس ان الالم بيزيد وبعد فترة مفيش اي تطور لحد ما كنت بدور

على اليوتيوب. في فيديوهات بعض اللاعبين اللي انا بثق في كلامهم، اكتشفت ان اللي انا بعمله

ده مسموش انضباط. ده اسمه انتحار. اكتشفت ان جسمي محتاج للراحة زي ما محتاج للتمرين بالظبط.